Cultura de Moeche
"O toelo é a rocha máis característica do concello"
Galicia caracterízase pola beleza e a diversidade da súa paisaxe pero tamén pola composición e a estrutura dos materiais superficiais que a conforman. Deste xeito, a historia do territorio galego tamén se pode contar a partir da xeoloxía e a influenza que esta tivo na súa evolución e tamén na configuración social. Neste senso, xeólogos galegos como Francisco Canosa pretenden amosarlle á cidadanía a riqueza coa que conta Galicia neste ámbito natural. Para iso creáronse proxectos como o Xeoparque Cabo Ortegal.
Un xeoparque é un territorio que posúe un patrimonio xeolóxico salientable e singular pero tamén unha estratexia de desenvolvemento propia en termos económicos. O municipio modestino, que desde o punto de vista xeolóxico sitúase na chamada Unidade de Moeche, participa nesta iniciativa xunto con outros seis concellos da contorna que, entre outras actividades, ofrecen rutas xeolóxicas.
O material peculiar do concello de Moeche é o toelo que foi empregado en numerosos traballos pétreos do lugar, tales como: a fonte de Ramil, cruceiros como o de San Xurxo (datado en 1905) ou hórreos, petos de ánimas e sartegos. Isto é, o toelo non só é algo peculiar e distintivo de Moeche senón que historicamente presentou unha gran utilidade para que os veciños erixisen moito do patrimonio material que alberga o concello.
A creación de patrimonio a través da capacidade autodidáctica
Unha persoa autodidacta presenta unha serie de calidades como a intelixencia (debido á facultade de aprender sen mestre) e a vontade (a aprendizaxe require esforzo e tempo). Ademais, esixe entusiasmo polo que se aprende. A cestería en Galicia é un deses oficios tradicionais moi presentes historicamente no territorio, sobre todo en relación ao mar e ao ámbito campesiño.
Hoxe en día é unha arte en declive que está sendo recuperada por persoas autodidactas que sentiron a paixón pola cestería ou ben, como o caso do modestino Argentino Orgales, tiveron que aprender por necesidade. Sexa cal sexa o motivo da aprendizaxe autodidacta e a arte ou idea que se queira levar a cabo, esta axuda a crear patrimonio como é o caso da cestería.
Un xeoparque é un territorio que posúe un patrimonio xeolóxico salientable e singular pero tamén unha estratexia de desenvolvemento propia en termos económicos. O municipio modestino, que desde o punto de vista xeolóxico sitúase na chamada Unidade de Moeche, participa nesta iniciativa xunto con outros seis concellos da contorna que, entre outras actividades, ofrecen rutas xeolóxicas.
 |
| O toelo caracterízase pola súa cor verdosa |
A creación de patrimonio a través da capacidade autodidáctica
Unha persoa autodidacta presenta unha serie de calidades como a intelixencia (debido á facultade de aprender sen mestre) e a vontade (a aprendizaxe require esforzo e tempo). Ademais, esixe entusiasmo polo que se aprende. A cestería en Galicia é un deses oficios tradicionais moi presentes historicamente no territorio, sobre todo en relación ao mar e ao ámbito campesiño.
Hoxe en día é unha arte en declive que está sendo recuperada por persoas autodidactas que sentiron a paixón pola cestería ou ben, como o caso do modestino Argentino Orgales, tiveron que aprender por necesidade. Sexa cal sexa o motivo da aprendizaxe autodidacta e a arte ou idea que se queira levar a cabo, esta axuda a crear patrimonio como é o caso da cestería.
